ၵႂၢမ်းၵပ်းထုၵ်ႇ (ၺ)
လိူၵ်ႈတွၼ်ႈမၼ်းတႂ်ႈၼႆႉၵေႃႈလႆႈ
- ၺႃးၵၼ်မိူဝ်ႈလႂ် ၸႂ်သုၵ်ႉမိူဝ်ႈၼၼ်ႉ
- ၺႃးၵၼ်မိူဝ်ႈလႂ် ၸႂ်လီမိူဝ်ႈၼၼ်ႉ
- ၺႃးၶွင်လီ ၶီၸႂ်ဢမ်ႇမီးငိုၼ်းတေသိုဝ်ႉ
- ၺႃးငူးမၢၼ် ၺႃးၽၢၼ်းၵႅၼ်
- ၺႃးၽွင်းမိူဝ်ႈမီးသုၼ်ႇ သိုဝ်ႉၵုၼ်ႇယဝ်ႉၶၼ်ၶိုၼ်ႈ
- ၺႃးမိူဝ်ႈၵူႉသူဝ်ႇၶိုၼ်ႈ မၢၵ်ႇဢိုၼ်ႈလႅၵ်ႈၶမ်းၶူင်း
- ၺႃးမိူဝ်ႈၵူႉသူဝ်ႇလူင်း ၶမ်းၶူင်းလႅၵ်ႈမၢၵ်ႇဢိုၼ်ႈ
- ၺႃးမိူဝ်ႈၵႂၢင်တိုၵ်ႉမူပ်ႇ ယုၵ်ႉၵွင်ႈတူပ်ႇၵမ်းလဵဝ်
- ၺႃးမိူဝ်ႈၵႂၢင်တိုၵ်ႉမူပ်ႇ ယုၵ်ႉၵွင်ႈတူပ်ႇဝႆးဝႆး
- ၺႃးမိူဝ်ႈသုၼ်ႇႁဝ်းပွၵ်း ၶွင်ယွၵ်းသိုဝ်ႉၵႃႈယႂ်ႇ
- ၺႃးမိူဝ်းသုၼ်ႇႁဝ်းယူႈ ပိူၼ်ႈၵူႈဢမ်ႇၶိုၼ်းတႅၼ်း
- ၺႃးမိူဝ်ႈသုၼ်ႇႁဝ်းလီ ၼီႈသၢမ်ပီၶိုၼ်းလႆႈ
- ၺႃးမိူဝ်ႈသုၼ်ႇႁဝ်းလူင်း ၶမ်းၶူင်းလႅၵ်ႈမၢၵ်ႇဢိုၼ်ႈ
- ၺႃးမိူဝ်ႈသုၼ်ႇႁဝ်းႁႅင်း မိူင်းလႅင်းပိူၼ်ႈမႃးသူင်ႇ
- ၺႃးမိူဝ်ႈသိူဝ်တိုၵ်ႉဝႅၼ် ပၢင်တၢႆးလႅၼ်ဢမ်ႇလႆႈ
- ၺႃးမိူဝ်ႈၽီလပ်ႉတႃ ၽႂ်ႁႃဢမ်ႇႁၼ်လႆႈ
- ၺႃးယၢမ်းၵႅၼ် ပိူၼ်ႈလႅၼ်ၵေႃႈၸဵဝ်းယုမ်ႇ
- ၺႃးလႅတ်ႇသမ်ႉယၢမ်ႈ ၽႃႉၵၢမ်ႈသမ်ႉၵႅၼ်
- ၺီႇဝႃးပႃးၽွမ်ႉ ယွမ်ႉသီဢၼ်လဵဝ်
- ၺေႃႇမိူင်းမၢၼ်ႈ ႁၢႆႉလိူဝ်ၽိူဝ်ႉမိူင်းတႆး
- ၺေႃႇမိူင်းမၢၼ်ႈ ႁၢႆႉလိူဝ်ၶွင်မိူဝ်ႇၸၢၼ်ႈမိူင်းတႆး
- ၺၢၼ်ႇၵေႃႉၸၢႆး လၢႆးလီၸင်ႇပႄႉပိူၼ်ႈ
- ၺၢၼ်ႇထိုင်ႉသွၼ်လိူၼ်ပၢႆ ၺၢၼ်ႇၽၢႆသွၼ်ဝၼ်းၼိုင်ႈ
- ၺၢၼ်ႇထိုင်ႉ မိုင်ႉဢဝ် ႁိူဝ်ႇပေႃးယမ်း ၺၢၼ်ႇၽၢႆ ႁဵတ်းၵမ်းၼိုင်ႈပေႃးယဝ်ႉ
- ၺၢၼ်ႇၼိုၵ်းထိုင်ႉဢမ်ႇသွၼ် ဝၢႆးမႃးၸွၼ်ၶွႆပိူၼ်ႈ
- ၺၢၼ်ႇၼိုၵ်းဢမ်ႇမိုင်ႉ ၺၢၼ်ႇထိုင်ႉဢမ်ႇၽၢႆ
- ၺၢၼ်ႇၽၢႆတိုင်ႈ ႁဵတ်းၵမ်းၼိုင်ႈပေႃးယဝ်ႉ
- ၺၢၼ်ႇမႄႈမွႆႈ ဢမ်ႇလၢတ်ႈယွႆႈ ၵွႆႈတၢပ်ႇမိူဝ်ႈလိုမ်းတူဝ်
- ၺၢၼ်ႇလီၵႆႉသွၼ်ထမ်း ၵမ်းလိုၼ်းလႆႈဢိင်ပိုင်ႈ
- ၺၢၼ်ႇလီၸင်ႇၵေႃႉၸၢႆး လၢႆးလီၸင်ႇပႄႉပိူၼ်ႈ
- ၺၢၼ်ႇလီတၢၼ်ႇသႅင်ၶမ်း တမ်းလႂ်ၵေႃႈ ၵႃးယႂ်ႇ
- ၺၢၼ်ႇလီဢမ်ႇၽၢၼ် ၵၢၼ်လီဢမ်ႇၵွတ်း
- ၺၢၼ်ႇလီဢမ်ႇယၢၼ်ႈ ဝၢၼ်ႈလီၵူၼ်းၵိုၼ်း
- ၺၢမ်ႉတေႃႇၺၢမ်ႉ သၼ်ႇၸၢမ်ႉၸၢမ်ႉၸူးၵၼ်
- ၺႅမ်းၺွႆႈပိူၼ်ႈလွႆးလွႆး ဝၢႆးပွႆးၸင်ႇဢဝ်ဢွၵ်ႇ
ဢဝ်မႃးတီႈ - ဝီႇၶီႇပီးတီးယိူဝ်းတႆး
ၵႂၢမ်းၵပ်းထုၵ်ႇ (ၺ)
Reviewed by ၸဝ်ႈသု(မိူင်းပၼ်ႇ)
on
Thursday, April 13, 2017
Rating:
Reviewed by ၸဝ်ႈသု(မိူင်းပၼ်ႇ)
on
Thursday, April 13, 2017
Rating:
No comments: